نِكًّدب عنينا
ضحك الوشوش ده فاشوش؟
أكدب وداني
كل الرضا ده منسمعوش؟
الناس دي ع البيبان كلهم ميساووش
غلطان يا صاحبي قوم فتح عنيك
ياتكون مع الناس في الشديد يا تقف بعيد
راضيين بالقليل وإنت قاسي ليه
رافضين حكم كداب وإنت عاصي ليه
إن كان في وسط الظلمة نور..شاور عليه
ليه أكون أناني وأفضل برأيي مستبد
وأقول علي الغلبان اكيد ده عبد
وإنت اللي علمته إن صوته فرض
صحصح كده وخليك قوي
إعرف فين الغلط ولا تنزوي
لسه الطريق طويل وصعب
ياتكون شريك من اوله
تحفظ معانا سكته وتحوله
ياتسيب ما بدأو يكمله
لاتكدبه ولاتشتمه وتخونه
سكة اتكتبت علينا كلنا
علي ارضنا وعلي شعبنا وعلي مصرنا
متجيش تضيع وقتنا وتخمنا
سيب الي فات ده راح من بختنا
فاضل لنا بسمة وحيدة في عين ولادنا
سوا بيك ومنغيرك هانصونها مهما رفضتنا
وانا وانت وهما برضوا اخوات علي ارضنا
في الصورة عيلة واحدة ..
حاول تقرب مننا
