بصيت في نني عنيك دققت قبل كده
تعرف سمار لونه وكان نونو قد كده
مكتوب عليه اسمي ..قرب وجرب تشوف
عارفاك ما صعب تقولوا ..خليك كده مكسوف
خايف تقرب لاتهرب من عنيك الحروف
يخرج كلام ع اللسان يكسر صخور الخوف
طب بس جرب وحاول
مهما دارينا الحقايق وسمناها "ظروف"
وسط الجدايل خبيناها بفيونكات ع الطروف
فوق في السما نجمات عدد سُكاتنا حروف
انا صورتي شايفاها في النني عدت طيف
دي رموش عيونك أرضي
وجفونها ضليلة من حر شمس الصيف
انا ساكنه فيهم من زمان
أنا مش مجرد ضيف
No comments:
Post a Comment