عم صلاح يا عم صلاح
كلمة تجلجل وسط براح
فكرة وصورة وضحكة جسورة
بس القلب ياعين ما إرتاح
ياما كتبت فرح عناوين
ورباعياتك لونها حزين
لما كلامك كان لنا دين
واما الريشة رسمت صورة
ولاموناليزا المبتسمين
بس خسارة برضوا حزين
وشك كان شمس منورة
جواك ليل ساكن مندرة
بس ايديك حته سكرة
كان ايه ده كله يا عم صلاح
فينك من زوزو واميرة
حبها كان احلي ما في السيما
وللا كلاب اللص وشوفتك
وغرامك في الكرنك خطك
ايه فنك ده يا عم صلاح
علي اسم مصر كتبت وقولت
وتاريخها بريشتك ورسمت
لو غيرها سيادتك ماعملت
يكفي كلامها انا اصلي آمنت
الليله كبيرة قوي علينا
فتها لينا وبرضوا حزينه
رحت وسبت كلامك فينا
كان اولي وجودك وسطينا
نعمل ايه ده قرار مش لينا
ربك بعبادة الاولي
وان كنت مشيت عند المولي
صورة وحرف كتاب في ايدينا
صوتك مع سيد وعلي
اقرب لما الوحشة تزيد
وكأن كلامك ده امبارح
ايوة صحيح انت اللي بعيد
بس كلامك بينّا اساس
ايه فنّك ده يا عم صلاح
عم صلاح يا جاهين ياعظيم
بعد العمر ما مر سنين
اقدر اقول لو رحت حزين
انت الفرحة الي ف وسطينا
عم صلاح يا عم صلاح
نام مرتاح
في ذكري ميلادة ال83 دامت كلماتك روح
ولا أجمل ....
ReplyDeleteعم صلاح ياعم صلاح
ReplyDeleteنام مرتاح
رائعه
الناس بتبتدى صغيرة ماشاء الله عنك مبتدية بدايات كلها قوية ربنا يحميكى
ReplyDeleteبداياتي كلها مدعومة من ناس بتحبني وتشجعني مفيش اجمل من كده
ReplyDeleteعم صلاح سابنا معانا
ReplyDeleteفاكرانا حواديت و اغاني
مهما وحشنا تلاقيه معانا
لف و دور
شرق غرب
عم صلاح مهما بعدت
دور جواك هتلاقيه